Analisien arabera E.coli-a ez da soiatik etortzen

2011ko Ekainaren 7an, Alemanian oraindik ez dakite nondik datorren E.coli-a.

Ikerketan jarraitzen duen bitartean Alemanian 21 pertsona hil dira eta Suedian 1. Gero eta herrialde gehiago kritikatzen dute Alemania, esaten dutelako oso gutxi arduratzen dela E.colia dela eta. Alemanian bertan ere hainbat jende esaten du denbora gehiegi egon direla E.coli-ari kasurik egin gabe.

Iparraldeko

Alemaniako ministerioak, atzo E.coli-a soian zegoela esan zuena, gaur esan du

soian bakteria topatzeko egindako lehenengo 23 frogetan ez zegoela E.coli-aren

arrastorik. Ikerlariek esan dute oraindik soiarekin 40 froga gehiago egin behar

dituztela. Nahiz eta oraindik ez aurkitu E.coli-a nondik datorren Alemanian ez

dute gomendatzen soia jatea.

Ikerketa oso zaila izaten ari da hainbat aste daramatelako ikertzen eta momentuz ez dakitelako nondik datorren. Gainera, ministerioak jakinarazi egin du ez duela espero E.coli-a nondik datorren epe laburrean jakitea. Ikerlariek E.coli-a hainbat barazki desberdinetan egon daitekeela esan dute, eta horregaitik dela hain zaila nondik datorren jakitea. Oso zaila denez, esaten dute ikerlariak 24 ordu daudela jo ta ke lan egiten E-coli-a nondik datorren jakiteko. Beste alde batetik, E.coli-aren erruz gaixorik dagoen pertsona baten hozkailuan aurkitutako barazki eta fruituei frogak egingo dizkiete baita ere. Alemaniako gobernuak esan behar izan du Espainako pepinoak E.coli zutela esatean egin diren kalteak ordainduko dizkietela.