ASPALDI HONETAN

Heme azpian olerki bat daukazue. Asier Serranok egin zuen 1994. urtean. Niri pila bat gustatu zait eta espero dut zuen gustokoa izatea.

Aspaldi honetan

sukaldeko saguak bandejaz akatuz

tomate zukua egiten saiatu naiz

eta hala ere badirudi

odol urdina dutela zainetan

—gizakiek lez—

 

egun hauetan

zizareak lagun egin ditut

baina damu dut mandragora belarrez

ez ote diren urkatuen ileak erabiliz

baleak ehizatzera joango

 

aurten bertan

armiarmekin jostatzen ikasi dut

eta jada ez zaizkit zakurren laztanak atsegin

atsegin dut mantisak

odol hotzez biktimak ahoratzen ikustea

—aitak gudan egiten zuen bezala?

 

azken batean

gizona izaten irakatsi didate

nor hil den baino lehen

nola hil den galdetzen.